ANG GUGMA KANIADTO ug KARON




I was browsing my old files and saw this thing I made way back 2003 for my "Preaching" subject but I scrapped it cause it was irrelevant for the theme.

I just revised it and add few things so this can be relevant in 2016.

Ang Gugma kaniadto ug karon
 by: Marion Kit

Gugma ang pinaka maanindot nga Gasa
Gikan sa atoang Labing Gamhanang Magmumugna.
 Mibutho kini sa Iyang mahigugmaong kasingkasing
ug gipalapnag sa tanan maski katong walay mga kusing
tungod kay kini Iyang gasa sa atoang kinabuhing walay tudling.

Kaniadto, Usa ra ang depinasyon, diskripsyon ug eksplenasyon...
Ang Gugma, Gugma ra. Wa nay daghang kuskos balungos, Gugma ray ikaingon.
Karon aduna na kini’y mga kundisyon, komisyon, ug  adiksyon.
“Aduna koy Car...” mao ang gugma nahimong kunsumisyon.

Kaniadto adunay forever tungod kay ang manag irog
maantigo maghunahuna ug solusyon sa lisod nga sitwasyon.
Karon adunay forever... forever gailis ilis
tungod sa kaantigo mag isip, “biya” ang da best
para wagtang ang pag-antos sa kinabuhing gitawag nga pakshet.

Kaniadto ang gugma is selfless.
Buhaton ko ang tanan makita ko lang ang pahiyom nimong
Makapahayag sa gadag-um nakong kinabuhing gidagmalan.
Karon ang gugma is self-less... self-less maong para sa tanan.
Kanindot paminawon apan ang tumong lamang tanan matilawan.

Kaniadto uso ang nakaw tingin, panguyab, pakasal, ug magkaanak.
Karon uso na ang buntis, dayon pakasal, dayon panguyab...
 dayon nakaw tingin kung asa gisuksok ang sweldo
tungod kay di kumpleto ang giendorso.

Kaniadto ang gugma usa kini ka legal nga adiksyon
Tungod kay kini ang kumpletos rekados nga solusyon
sa kinabuhing masulob-on.
Maong ang nahitabo Love is like Centrum, "you complete me." J
Karon usa na kini ka droga nga ginalikayan
Tungod sa sakit nga masinatian sa usa ka gibiyaan
Ug kung ikaw minyoan mura na ikaw ug gisentensyahan
Maong ang nahitabo Love is atik atik depende na lang sa mabitik L

Sama usab kini sa Oplan Tokhang ni Bato ug Presidente Digong...
Kaniadto Manuktok ug muhangyo
Aron ang kamot sa bae mapangayo.
Karon manuktok, tago, dayon hayang...
Mao ang kaugmaon patay ug mawagtang.

Ikaw makabuluhanong tawo
Kanus-a ka nahimugso,
Karon, kagahapon, o kaniadto?
Unta ikaw makaamgo
Nga ang gugmang tunhay
Dili inusarang kahayahay
Apan kini pang kinatibuk-ang kalipay.



~ THANK YOU ~

Comments